「同行跑步隊」同行携手完成渣馬10公里賽事

患癌兒童在抗癌路上所展現出的堅毅和不放棄，與馬拉松精神不謀而合，只有不認輸、堅持不懈，才能到達終點。

由兒童癌病基金主辦，香港青年協會協辦，創立由癌病康復者和健康跑手組成既「同行跑步隊」，以長跑項目提倡適量運動對抗癌復康的重要，同時打破癌病康復者予人的一貫形象，並會參與不同的跑步賽事，宣揚共融同行的信息。

「同行跑步隊」隊員在接受近三個月的專業訓練後，於一月十三日，假鑽石山荷里活廣場舉行了啟動禮暨打氣會，為他們隊伍組成後第一場參加的正式跑步賽事ㅡㅡ香港馬拉松10公里賽事。

主禮嘉賓、贊助機構代表和「同行跑步隊」隊員合照

嘉賓和兒童癌症康復者一起展示他們為「同行跑步隊」繪畫的打氣號碼布

在專業教練和社工的協助下，隊員在賽前接受了不同的耐力、步速、伸展訓練。隊員亦按體能，並加上會陪伴他們一起參賽的社工及醫護，分成若干小組，期望在比賽當日能互相支持。同時又配對了互相鼓勵的神祕天使組合，希望在體能訓練外，更能令他們在精神狀態在賽前均能調整至更佳狀態，來迎接香港馬拉松10公里賽事。

在起跑前，「同行跑步隊」隊員、由社工及醫護組成的支援團隊(約三十人)，以及參加了兒童癌病基金「渣打香港馬拉松慈善計劃」的跑手，均戴上了兒童癌病基金紀念版的打氣號碼布。打氣號碼布上寫滿了兒童癌症康復者及其他持份者為跑手們畫上正能量的圖畫並寫上打氣字句，象徵著與患癌兒童「同心、同步、同行」。

「同行跑步隊」和同行醫護和社工戴上打氣號碼布在渣馬10K起步前合照

癌症康復者永豐，以54分27秒時間完成10K賽事的，在賽後表示：

「終於跑完10km，好攰之餘又有D感動，由一開始有以誠、阿Tim、弘毅（其他隊員）一齊練跑，去到比賽又有埋Amy姑娘（兒童癌病基金同事）陪住我哋跑，令我感受到跑步唔再係一個人嘅運動，而係一班人互相支持，互相鼓勵，共同進退既事。而最後成績出乎意料地比預期快，用咗54分27秒完成一生第一次10km馬拉松。我能夠做到呢個成績，都係因為一班隊友既陪伴同支持！」

癌症康復者小幸，以1小時24分時間完成10K賽事的，在賽後表示：

「完成了10公里馬拉松賽事後真係覺得好奇妙。一方面覺得整個過程跑得完好開心，另一方面係好感激。雖然跑既時候會覺得好辛苦，但仍然會有同行既隊友為自己加油打氣，大家都互相鼓勵，睇着隊友在身邊既身影，我先能夠堅持落去。而且我好欣賞自己雖然辛苦，但全程都係一直跑，無停低，就好似之前抗癌個陣，堅持永不放棄既精神一樣。」

透過青協加入的以誠，以53分23秒時間完成賽事，在賽後表示：

「好開心可以同癌症康復者一齊同行，一齊完成今次嘅賽事。佢哋每一個都好叻，甚至超額完成目標時間。雖然過程係辛苦嘅但都值得嘅，相信佢哋每一個未來一定可以跑得更快更遠。」

透過青協加入的Ice，以1小時45分秒時間完成賽事，在賽後表示：

「同我一組既係體能較差既隊員，我地事前預計可以同隊員用1個半鐘頭，輕輕鬆鬆完成賽事，但現實我哋由1K 開始已經俾掃尾巴士追緊。我哋雖然成日係練習中講笑話要『上巴士』，但從無諗過架巴士黎得咁快。 每一公里我哋時間變得更緊湊 ，我哋依靠著互相鼓勵扶持，追逐每一個截跑時間。或者我地成績唔再係其他人口中既最佳成績，而係『快過巴士』地完成10公里。當最後大家一齊衝向終點，我地一齊笑住，一齊大聲喊出黎話：『我地一齊完成左10k啦！』或許呢一刻既滿足感就係3個月來一同艱苦訓練嘅意義！

「同行跑步隊」成員：以誠、永豐、小幸、Ice(由左至右)完成渣馬10K賽事後合照

香港馬拉松10公里賽只是「同行跑步隊」第一場賽事，隊員將會持續接受訓練，並挑戰更多賽事和招收更多隊員，甚至會到海外參加不同的國際賽事，繼續為患癌兒童打氣，亦向社會及世界宣揚共融同行的信息。

「同行跑步隊」和同行醫護和社工拿著獎牌在完成渣馬10K賽事後合照